Groeëte Prinsepronkzitting ZDH Jos IV

Ein van de hoeëgtepunte van de Carnevalsvering in Mezeik is de Groeëte Prinsezitting. Nao Rijnlanse tradi-jsie zitte de minse aan lang taofels en wuurt ei hoeëgstaond Carnavalsprogramma gepresenteerd. Hi-jaan wirke Bütteredners, Dansgroepe, Dansmari-jkes, Carnevals- en Schlagerszengers, Paradekorpse, enz. .. ówt bènne- en bówteland mèt. Op dezen aovend nump ouch Het Heilig Wammes aafsjeid van de regerende Prins en wuurt de nówwe Prins aan de Mezeiker Vastelaovesgemeinsjap vuurgestèld. Nao aafloup van het ‘showprogramma’ wuurt den dans ge-oeëpend en geit het fieës wujjer tot in de vreug eurkes.