Ós lèste nówts

Freitag, 16. Oktober 2020 - 11:25 Uhr
Leef Wammese en Weimeskes,

Het Heilig Wammes gelas al haör evenemente en pebli-jke activiteite aaf.

Het Heilig Wammes haef besloeëte om al haör evenemente en pebli-jke activiteite aaf te gelaste vuur het sezòwn 2020-2021.

Het is eine rare ti-jd, en rare ti-je zörge d’r vuur dèt d`r auch minder plezeerige beslissinge motte gepak wieëre. Gezieën de lèste ontwikkelinge rond Corona, vungt Het Heilig Wammes dèt de maatsjappelike verantwoeërdelikheid van oos vereiniging nao de samelieëving tòw, boeëvenaan stuit.

Wieë zeen de lèste maonde nog aan het ki-jke gewaes om hi-j en dao toch nog gèt Corona-proof te kènne laote doeër goeën. Echter de actuele ontwikkelinge en de recente forse tòwnames van het aantal Corona besmettinge, zeen de rae-j dèt wieë ès Het Heilig Wammes tot dit beslòwt gekomme zeen.

Het is ti-jd om de bòwte waereld oppe huugte te brènge waat de planne zouwe kènne zeen of neet. Omdèt dao zoeë vaöl van wieëk tot wieëk, jao zelfs van daag tot daag verangert in de regelkes en maötregele, in waat kan en waat neet, höbbe wieë tot op gistere gekieëke en uuverlag waat de maögelikhede zouwe kènne zeen.

Wi-j al gezag, gezieën de actuele situatie, draage wieë ès Het Heilig Wammes auch ein maatsjappelike verantwoeërdelikheid nao alle wammese en weimeskes en alle vastelaovesveerders. En laot oos ieërlik zeen, de gezondheid van eederein stuit vuurop!
Daörom dèt wieë oppe vergadering van donderdig 15 oktoeëber 2020, unaniem besloeëte höbbe, en dit met vaöl pi-jn in het vastelaoveshart, om alle publi-jke activiteite en al oos evenemente vuur het sezòwn 2020-2021 aaf te gelaste.

Ondanks dèt alle activiteite neet zulle doeër goeën, zulle wieë het neet nao laote om woeë het kan toch hi-j of dao via print, digitaal of social media, uch oppe huugte te hauwte van de oos zoeë geleefde vastelaovend in Mezeik. En dit vuural om dees sjoeën tradi-jsie neet hieëlemaol verloeëre te laöte goeën.

Waat wieë waal al kènne mèt gieëve, is dèt in het uuverlègk van de lèste ti-jd, d`r hi-j en dao auch nòw iedeëen nao boeëve gekomme zeen. Iedeëen di-j auch nao het Corona ti-jdpèrk in het lieëve geroope kènne wieëre. En dèt is dèn toch positief nòws.

Wieë ki-jke nòw al òwt nao het sezòwn 2021-2022 en hoeëpe dèt dèn waal alles op ein normaal meneer kan doeër goeën.

Wieë höbbe nog ein lèste boeëdsjap aan eederein,… bli-jf gezond.


Vorst Eric en de Groeëtridders van Het Heilig Wammes Mezeik

Anmelden